"როცა ძალაუფლების სიყვარული გადაწონის სიყვარულის ძალაუფლებას, ასე ხდება..." - რას წერს ეკა ამირეჯიბი მიმდინარე აქციებზე?
ტელეკომპანია "იმედის" ჟურნალისტი ეკა ამირეჯიბი ქვეყანაში მიმდინარე მოვლენებთან დაკავშირებით სოციალურ ქსელში პოსტს აქვეყნებს. ჟურნალისტი საქართველოს მთავრობას მიმართავს - მისი აზრით, ძალაუფლების სიყვარული ყრუ კედელს შობს, რომელიც ადამიანების ხმას აღარ ატარებს...
ეკა ამირეჯიბი:
- როდესაც ძალაუფლების სიყვარული გადაწონის სიყვარულის ძალაუფლებას, ასე ხდება. ყრუ კედელი… რომელიც თითქოს ადამიანების ხმას აღარ ატარებს. "მშვიდობის ქალაქს", “ევროპულ ქალაქს” როგორც თვითონ უწოდებთ ხოლმე ხშირად, შეგიძლიათ თქვენ თვითონ დაუბრუნოთ სიმშვიდე, დაუბრუნოთ გაზაფხული, სტუდენტები კი დაუბრუნოთ ლექციებს აუდიტორიებში.
პირველ რიგში, თქვენ ხართ ვალდებული ამ ბეწვის ხიდზე, რაც დღეს შეიქმნა, ყველაზე ფრთხილად და უსაფრთხოდ გაატაროთ საკუთარი მოქალაქეები, საქართველოს მთავრობა...
ეს უკვე მეორე პოსტია ამირეჯიბის, რომლითაც "გამჭვირვალობის კანონს" ეხმაურება. 17 აპრილს ჟურნალისტი წერდა:
"ერთადერთი ქვეყანა იწონებს ამ კანონის მიღებას საქართველოში. სხვა - არავინ. თუნდაც მოზამბიკური დავარქვათ...“
წაიკითხეთ ასევე: